هذه القصه قصتها لنا جدتي الله يرحمها وتقول والله اعلم انها حقيقيه ولكني ارى ان فيها شيء من الخيال
تقول كان هناك عائله مكونه من زوج وزوجه وبنت وولد توفوا الوالدين ولو يتبقى سوى البنت واخوها الولد اسمه صالح والبنت اسمها شيخه وقبل ان تموت الام وصت صالح على اخته ان لايؤذيها وانه يحنو عليها لان مالها بعد الله الا اخوها ومرت الايام وتزوج صالح من امرأه جميله ولكنها جائره وقد جعلت شيخه خادمه لها بالمنزل تكيل لها بأصناف العذاب
وشيخه صابره ولم تخبر اخاها بشيء حتى لايغضب على زوجته اما بالنسبه لزوجت صالح فقد كانت تكذب على شيخه عند صالح وتتهمها بشيء لم تفعله وصالح يسكت ولا يفعل شيء تمسكا بوصية والدته له في يوم من الايام اضطر صالح للسفر الى المدينه وربمايبقى في المدينه شهرين لوعورة الطريق ولانهم في القديم كانوا يسافرون على الحيوانات كالجمال والخيول وغيرهاالمهم استغلت زوجت صالح سفره واصبحت تعامل شيخه .بالحنان والطيبه وكان الهدف من ذلك غير شريف المهم في يوم جمعت زوجت صالح من بيض الدواب الكثير مثل الغربان والثعابين والزواحف والطيور المختلفه وعملت عصيده وغطت البيض بالعصيده وقالت لشيخه: سويت لك عصيده مره لذيذه
وقالت لها :ابلعيها بدون ماتمضغيها لان لذتها ببلعها واخذت المسكينه تبلع ولا تدري ايش السالفه المهم مرت الايام ورجع صالح من سفره ولقى اخته مريضه وبطنها منتفخه
قالها: ايش فيك
قالت له زوجته :انا اقلك ايش فيها تعال معي وانا اخبرك خرجوا من عند المسكينه وقالت له :اختك تعرف واحد وعلى علاقه معاه غير شرعيه واستغلت غيابك وحملت منه
قال :افا وانا ولد ابوي والله لغسل العار واقتلها
اليوم الثاني قبل الفجر راح لاخته وقال لها قومي معي بوديك للحكيم اعالجك وقامت المسكينه واخذها على الجمل ومشى بها بعيد حتى ابتعد عن قريته وهناك دفها ببير عميقه ورجع على الرغم انها توسلت له وما سمع لتوسلها ولا رحم دموعها المهم استراحت الزوجهالمجرمه من اخت زوجها اما بالنسبه لشيخه فهي طلعت من البير بعد ماعلقت بغصن قريب من دلوالبير وطلعت وجلست تصارع المرض الين يوم ولدت ولكن كان مولودها مجموعه من الزواحف لكن سبحان الله الزواحف كانت تتكلم مثلنا وحنت عليهم وحبتهم وحبوها المهم لما كبروا شوي وجاء عيد الاضحى قالت شيخه لعيالها على قصتها مع خالهم وزوجته الجايره اللي تبلتها بشيء موفيها اصلاقالت روحوا لخالكم واطلبوه من لحم النحر وكانوا يسمونه <الرخال >يعني لحم النحر المهم راح الصقر واخذ يحوم على بيت الخال ويقول هالعباره <خال خال عطني من لحم الرخال >استغرب الخال من الصقر كيف يتكلم راح الصقر وجاء الغراب وكرر العباره قام الخال اخذ قطعه من اللحم وغمرها بالدم واعطاها للغراب واخذ يتتبع اثر الدم الين وصل لاخته ولما وصل وسائلها عن قصتها علمته بحكايتها مع العصيده اللي فيها البيض المهم ان الزواحف والطيور ضربوا صالح الين قال ارحموني اخذ اخته ورجع للبيت وهو يبكي حزن على نفسه انه ماتأكد من القصه وراح لزوجته وربطها على جملين رجلها ويدها اليمين على جمل عطشه شهر ورجلها ويده الشمال على جمل جوعه شهر وجاب للعطشان مويه وللجيعان اكل ومشو كل جمل لمقصده وانشقت الزوجه نصفين وهذا جزاء اللي يظلم ويقذف المحصنات وسلامتكم هاه عجبتكم؟