|
يرمون الكلام اشكال والوان وازين كلامهم شين لأبعد الحدود واحلاه تحليه المراره والمطلوب مني اتحمل تفاهاتهم واغمض عيوني عن ماوضح لي والواجب علي ابدل الحزن بأبتسامه واقدم لهم كلمات شكري مع باقات وردي واطلب المزيد من الالم واغض الطرف وامشيها مجبور اتنازل عن احاسيسي واصير لعيونهم عديم احساس وياويلي لو افكر اعاتبهم تقوم دنياي ماتقعد واتحول في نظرهم لظالم اتحول لشخص قلبه اسود شخص مايعرف الرحمه ينسون كل حسناتي وتطفوا على سطح بحورهم سيئاتي كل هذا لأني اعلنت اعتراضي على جرحهم لمشاعري عذراً منهم طلبهم مرفوووووض ماني مجبور على تحملهم ولاهم مجبورين يتحملوني اكيد حياتي بتستمر بدونهم واكيد حياتهم بدوني مستمره ,,،‘ |
شهر .. 12 هو شهر الـلـــقـــاء وهو شهر الـفـراق هو شهر مــــيلادي وهو شهر وفــــاتي هو شهر الــــــفرح وهو شهر الاحزان شــهـــــر غــريــب وشــهــر عــجــيب شــهـــر حـــلـــــــو وشــهـــر كـــــئيب شــهـــر الامــــــل وشــهر الــضياااع شهر .. 12 ماني بناسيك |
يحبونك يشوفونك ملك من زود حبهم لك يمكن ياكلونك او ع الاقل بعد الاكل يحلون بك يحطونك بكووم وباقي الدنيا بكووم يفرشون الارض لك حرير يشيلونك فـ العيون وعند اول إختلاف فـ وجهات النظر يصير ينزعون اقنعتهم الجميله يبدلون حريرهم بشوك يشوفونك اسوأ السيئين يكرهونك يتعمدون الاذيه يتفنون فـ اللئامه وتبدأ حلقات مسلسل الحقيقه حلقه ورى حلقه لين الحلقه الاخيره والنتيجه هي النتيجه بانت نواياهم السقيمه استمروا استمروا استمروا يااهل الخباثه والنميمه ماهو انا من ينزل نفسه للنفوس الدنيه انا رعد على قلوبكم الضعيفه انا من قال عني حمد ابن البريدي اطوي همومي وسط قلبي واستعين الطيب اداريه والاش احــــقـــــــره |
أعترف الصدمه ها المره بالحيل "قوويه" والكلام إلي سمعته "جرحني" لأبعد الحدود بس الغريب انا ها المره غير عن كل مره فيني برود وتبلد إحساس على كثر الكلام إلي سمعته مافكرت فـ كلمه منه لـ درجة نسيت الكلام وراعيه من هو ؟ وش قال ؟ وش السبب ؟ إرحب يـ التبلد . . إرحب يـ البرود . . إرحب يـ التجااهل . . |
الله يجملـنـي عـلـى مـــدح الاجـــواد ،،، الطيـبـيـن اهـــل الـقـيـم والـمـبــــادي لا اجتاحني من هـاجـس الشعـر وراد ،،، لـــــه مـــــدة لـلـشـاعـريـه يـــنـــادي قـامـت بـنـات الفـكـر ســرداد مـــرداد ،،، تـسـامـرت مـاهـيـب ويـــــا الــرقــادي بـا المفـردات اللـي مواليـدهـا اجــداد ،،، تليـق فـي شخـص بـــه الطـيـب زادي عنـوانـهـا مــانــي بـنـاسـيـك لــطــراد ،،، قـدامـهــــا مـــع نـفـحـة الـعــود كــادي يستاهـل اللـي يمـدحـه قـــرم الاولاد ،،، المحتـرم اللـي بــا الاخــلاق ســـادي اللـي كسـب باالمعرفـه مـــالهـا اعـداد ،،، محبـوب مـاهـو بــا المواجـيـب غــادي ان قلت مبدع قلت من ضمن الاسياد ،،، يـبـذل عـلـى كسـب القلـوب اجتهـادي يـاطـراد لــك مـنـي هـديـتـك يـاطــراد ،،، قصـيـدتـك واقــبــل هــــديــة مــنــادي |
كنت دايم احب اكتب الخواطر بس كل محاولاتي كانت على إستحياء فـ مدونتي الخاصه كنت دايم افكر انزل خاطره فـ قسم الخواطر لكن كنت اخاف ردة فعل اهل الاقلام المميزه وصار علي موقف وكتبت خاطره وفـ آخر لحظه قررت انزلها فـ قسم الخواطر واتقبل النقد عنوان الخاطره / انا نسيتك قبل لا اعرفك إنت بعتني يابااايع راحت الايام وجات وقدر الله وشفتك ترميني بسهامك المسمومه سويتها فيني كررت فعلت صاحبك ذوقتي نفس المراره وشربتني من نفس كأس الخيانه هو ذوقك طعمه وانت بكل كرم وجود ذوقتني محتواه هو باعك وانا الوحيد إلي شريتك وجيت اليوم وبرخيص بعتني وفوق كل هذا تفكر تمشيها علي ياقو عينك تدري لاتفكر فيني ولاتشيل همي عندي عزة نفس تعيشني وحيد طول العمر عندي كرااامه تنسيني إسمك ومن تكون وابشرك ماعندي من الامل لو الشيء قليل يعني تطمن نسيانك هو الشيء الاكيد وحقرانك من اليوم هو المستديم وكرهك كل يوم يزيد الحق صاحبك وبالي لايردك ولايرده الحقه مابيك ومابيه مابقول : ماني بناسيك بقول : انا نسيتك قبل لا اعرفك < من خاطري المكسور > |
هذي ثاني خاطره اكتبها طبعاً قسيت على نفسي فـ الخاطره هذي بشكل غريب لأني كـ العاده عصبت وقسيت على إنسانه علاقتي معاها اقرب للحب برغم عندها حبيب لاتسألوني كيف لأني انا إلى الان ماني عارف وش صار ؟ وليه صار ؟ لكن فـ الاخير باعتني عنوان الخاطره / البارحه البارحه كانت ليله غريبه كنت كـ العاده امارس هوايتي المعتاده كنت اتفنن في جروحي واقدمها هديه لأنسانه عزيزه وغاليه عليه كنت ضايج وكلي عصبيه وكانت هي في قمة الرومنسيه كنت اسمعها اسواء مفرداتي وهي كـ عادتها تسمعني العذوبه كنت اهددها والشر في عيوني منتويها كنت اقول كلام استحي اعيده وكان ردهاا عليه كله ضعف واسيه ما كانت تتوقع ها الادميه طراد منه تصدر ها القسيه كانت تشوف روعتي غير منتهيه ماتدري إن الروعه ماهي بليه الروعه فـ عيونها وهي البنت النقيه كانت تتأمل فيني الكثير كانت تردد دايم علي وتقول : تكفاا انا لك وإلا للذياب العويه وانا بكل شجاعه اردد يخسي الذيب ولد العويه ماكنت ادري انا الخاسي وانا راعي العلوم الدنيه وانا مضرب مثل فـ اللئامه ومني القسوه هي المنبع وهي شر البليه من خاطري المكسور كسرت قلوب نقيه معقوله اكون خسرتها خساره ابديه ومن مبدأ الخوف عليه ولأني اهواها ها المودمانيه مني لها رساله للاهميه يقولها حمد إبن البريدي : لا اخطيت ثم جيت اعتذر قول مسموح حنا بشر لولا العذر .. ما خطينا مهوب تزعل كل ما ضقت وتروح وتهدم بلحظات الغضب ما بنينا كانه دلع .. يا عزتي لي من الصوح وكانه غلا .. فديتنا كل ابينا نذر علي ما عاد في خاطري بوح الا عسى ربي عليك .. يهدينآ باب العواذل لا تخليه مفتوح ودرب المفارق لا تحده علينآآ اجرح خفوقي لين ما تشبع جروح انا وقلبي في عذابك .. رضينا |
هذي خاطرتي الثالثه والاخيره طبعاً كتبتها قبل دخول العام الهجري الجديد بيومين وكانت افضل خاطره من وجهة نظري الشخصيه كان عدد المشاهدات اكثر من 480 وكانت التقييمات والردود جداً مميزه عاد مدري هل الخاطره حلوه وإلا يمكن عشان كنت مشرف اترك الحكم لزوار المدونه الكرام عنوان الخاطره / عام حزين عامٍ حزين كَانْ عَامْ حَزيِنْ ِمثلَ بَاقِيِ الأعوَامْ بَسْ أحِسْ حِزنَهْ غَريِبْ حِزِنْ مَامِثلَهْ حِزِنْ حِزِنْ يَحَزَنْ مِنِهْ الحَزنْ كَيفْ ذِيِ ؟؟؟ لا تَسَألونِيِ وَدَعَاً يـَ عَامِيِ الحَزِيِنْ رُوحْ ولا تَنسَىَ تَاخِذِ جُرُوحَكْ مَعَاكْ رُوحْ وَخِذْ كِلْ ذِكرَيَاتَكْ رُوحْ ولا تَنسَىْ الآلَمْ خِذْ أعَزْ أصدِقَائَكْ ورُوحْ رُوحْ يِمكِنْ النِسيَانْ يُشوفَك تُرُوحْ وَيَجِيِنِيِ وَيَضُمنِيِ وَيَاخِذِنِيِ وِيَاهْ وَنُرُوحْ رُوحْ مَاسَويتْ فِيِنِي خَيَرْ أيَامَكْ كِلَهَا أوجَاعْ وَهُمُومْ نَهَارَكْ صَارْ لَيلْ وَليلَكْ شَكَلَهْ مُخِيِفْ فِيكْ تَعَدَدَتْ الوجُوهْ وَكِلَهَا مِنْ الدَاخِلْ كُرهْ وَجُحُودْ فِيكْ قَدَمتْ الجِمِيلْ وَجَانِي الرَدْ نُكرَانْ للجِمِيلْ فِيِكْ مَرتْ عَليّ قِصَةْ حُبْ فَاشِلهْ بَكُلْ المَقَاييسْ فِيِكْ وَعَشَان أنسَىْ الحَبيِبْ جَرَبتْ أحُبٍ منْ جِديّدْ فِيِكْ ولأنْ القَلبْ يَهوَىْ الحُبْ القِديِمْ حُبٍي الجِديدْ مَامِنْ جَدِيِدْ فِيِكْ ولأنْ مَبدَايْ الصِدقْ عَرَفَتْ مَعنَى الوِحدَهْ عَ الأصُولْ فَيَكْ عَرَفتْ إنْ الأخُ مِثَلْ الصَدِيِقْ وإنْ الصَدِيِقْ مِثَلْ الغَرِيِبْ وإنْ الغَرِيِبْ مَايَعرِفْ أنَا مِنْ أكُونْ يَعنِيِ بِالمُختَصَرْ المُفِيِدْ لا الأخْ .. أخْ وَلا الصَدِيِقْ .. وَقَتْ الضِيِقْ رُوحْ عَلْ وَعَسَىَ العَامْ إلِي عُقبَكْ يِطلَعْ عَليّ عَامْ خَيَرْ رُوحْ وِدِيِ أشُوفْ عَامَنَا الجِدِيِدْ رُوحْ يِمكِنْ الأيَامْ تِزِيِنْ وَتَرجَعْ البَسمَهْ للوَجَهْ الحَزِيِنْ رُوحْ وَيِمكِنْ قَبَلْ لا تُروحْ تَطَلعْ مَعَاكْ الرُوحْ وتَاخِذنِيِ وَنَرُوحْ لَكِنْ أوعِدكْ يـَ العَاامْ الحَزِيِنْ لَوْ بَقَيَتْ أنَا وَمَا سَبَقتَكْ وَقَالوا عَنِيِ طَلعَتْ الرُوحْ رُوحْ وَاوعِدكْ مَانِي بِنَاسِيِكْ |
|
راح بدون ما يودع أحد
كأنه رايح لـ مكان قريب مايدري إنه رايح وأحتمال كبير مايرجع حتى أمه ودعها على أستحياء !!! واخوه يدري من الأغراب !!! كيف يفكر !!! وبأيش يفكر !!! الله المستعان بس |
| الساعة الآن 02:45 PM |
»:: تطويرالكثيري نت :: إستضافة :: تصميم :: دعم فني ::»
Powered by vBulletin® Version 3.8.7