جمله مفيده
تدري إني ما قدرت أنساك بالمرّه مع أنّي كل يوم أحاول أشغل نفسي بحاجه جديده لكن النسيان شي أكبر من عزومي ومنّي يا شريط بذاكرة راسي وراسي يستعيده ويش أقول ووش تقول ليا اسألوا عنّك وعنّي ما بقى لي لأجل أجاوبهم ولا جمله مفيده أتمنى رجعتك ولا معاي إلا التمنّي والتمنّي للفقير اللي جلس على الحديده أبتسم لا مرّ طاريّك على بالي وأغنّي إبتسامة طفل جنب أمه يصلّي صبح عيده أنت ياللي منّك دموعي ومنّك ضحك سنّي ما قدرت أذوق بعدك طعم الأيام السعيده في وجودك يختلف وياي حتى طعم بُنّي في يديك الملح والسكّر تنقّصْه وتزيده يوم حاولت أمسكك بيدي فشلت وخاب ظنّي آدمي، والآدمي ما هو بماخذ شي بيده كل هذا ما هو بمعناه مابيك امتهنّي دايم أدعي لك لو يديني عن يدينك بعيده حبي أكبر من طمع نفسي بدنيا في تدنّي الطمع ما زوّد ابن ادم ولا نقّص رصيده والا أنا ساكن بريدك بعد ما حبك سكنّي كل يوم أخط صفحة، يا رسالة يا قصيده ما بقى لي من حبيبي شي يرضيني لكنّي بتشرّف وأعتبر نفسي رساله في بريده وأنت حاول ما تواخذني على إزعاجي لأنّي كل ما قفّلت موضوعك بدا قلبي يعيده إعرف إنّي متّ فيك ليا دفنّي من دفنّي والحقيقة يفعل الله ما يشاء وما يريده شعر / بدر المحيني |
قمة الروعة
سلمت يمينك |
|
كل الشكر على هذا الجلب
وسلمت الايادي وما ننحرم من جديدك دوما |
ابيات جميله
يعطيكي الف عافيه على روعة ماسطرتي تقبلي مروري المتواضع ولكي اصدق احترااااااااماتي اا |
حرفك هنا يطير في الأثير
يحلق في سماء الإبداع مفرداً يتعدى فضاء الوصف أستمتعت العين هنا |
طرح يستحق المتابعة
سلمت الروح بانتظار الجديد القادم دمتي بكل خير |
ابيات شعر جميله سلمت غلاوي على نقلها
|
الساعة الآن 05:23 PM |
»:: تطويرالكثيري نت :: إستضافة :: تصميم :: دعم فني ::»
Powered by vBulletin® Version 3.8.7