منتديات حساس - انت البدايات .. وانـت .. اخـر نهاياتـي

ياأول سنين الغـلا .. ياأقصـى طموحاتـي
ياأجمل غـرام نشـا .. ياروعـة سنينـي*

ياتاج روحـي .. ووجـدي .. يامحطاتـي
ياجـارح بسيـف عشقـك .. يامداويـنـي*

ياساكـن الـدم .. يادمـي .. ونبضـاتـي
يـاروح روح القصايـد .. فـي دواوينـي*

ياجـاذب لحضرتـك .. ذوقـي ورغباتـي
ياساحـر البسمـة اللـي منـك ..تغرينـي*

يـادرب نـور البشايـر فـي متاهـاتـي*
ياأوفـى رفيـق عرفتـه .. مايخليـنـي*

ياشمس عمري .. منااي .. وبلسم آهاتـي
ياللـي ولافيـه غيـرك فـي عناويـنـي*

بينـي وبينـك تطمـن والعـمـر آتــي
والله ماأقطـع وصـال بيـنـك وبيـنـي*

حبي لك أكبـر مـن اللـي فـي كتاباتـي
ولااظن يكفـي لـو انـك قلـت : يكفينـي*

بالعيـن أشوفـك توجـه كـل نظـراتـي
وأقـول : ملكـك تدلـل .. يابعـد عينـي*

القاك مـن ويـن ماامشـي .. فااتجاهاتـي
وأثـرك فكـل اتجاهـاتـي .. تمشيـنـي*

أوقات عمري بدونـك .. ماهـي أوقاتـي
سبحان منهو ..جمـع دينـك علـى دينـي*

للعمـر لـذه ..وقـربـك فـيـه لـذاتـي
أنساك لحظه وأقـوم أذكْـرك فـي حينـي*

حابسْك فـي خافقـي .. حبسـي لدمعاتـي
لاصرت ضايق .. وأخاف الدمـع ينهينـي*

سادات سيـدي .. لاوالله .. سيـد ساداتـي
خذ راحتك .. أنـت .. آمرنـي وناهينـي*

أشعل ضلوعي .. سرور ..ان شفت ضيقاتي
خـل الفـرح فـي شتـا همـي يدفيـنـي*

انت*البدايات*..*وانـت*..*اخـر* نهاياتـي
ان يوم ناعم يدينـك .. شابـك .. إيدينـي*

ياصعبها لـو تغيـب .. وبعـدك آحاتـي
بكون عايش .. ولاادري .. وين انا ويني ؟؟*

أنسـان ضايـع والملـم .. باقـي شتاتـي
أشكيـك للوقـت .. والأوقـات تشكيـنـي*

أبختصرها .. ولو طالـت بـك .. أبياتـي
إنك تساوي غـلا .. ربعـي .. وغالينـي*

لأني قبـل مااْعرفـك ..وأبـدى علاقاتـي
أحس أعرفك ..!! وأحسك منـي وفينـي!!*