يامدور الهين ترى الكايد أحلى
 

يامدور الهين ترى الكايد أحلى ...
اسأل مغنّـي كايـدات الطــــــــروق ِ

الزين غالي لكن الأزيـن أغلــى ...
ولكل شـرايٍ بضاعـة وســـــــــوقِ ِ

النوّ عالي والسما فوقــه أعلـى ...
لا فاق علـمٍ جـاه عـــــلـمٍ يفــــــــوقِ ِ

الصعب هلاّ قلت ياصعب سهلا ...
دامك تبيني فانت ياصعب شـــــــوقِ ِ

أحب أعسف المهرة اللي تغلـى ...
واحب أروّض كل طرفٍ يمـــــــــوقِ ِ

واحب أسافر مع سحاب تعــلّـى ...
واحب فوق الغيم لمـع البـــــــــروقِِِِ ِ

واحب اساهر بدري اللي تجلى ...
وارسم شعاع الشمس عند الشروقِ ِ

يامن على ساير فـوادي تولّـــــى ...
خلّك على قلب الكرامـة شفـــــــوقِ ِ

أكرم عزيزٍ بالعمـر ماستــذ لّـى ...
يسوق عمره للمشاريـف ســـــــوقِ ِ

اخترتك من الناس للقلب خـلّـى ...
ياحيثك مرادي وكيـفـي وذوقـــــــــي

مارحت أدوّر كل زولٍ تحـــلّـى ...
لولاك تسوى ماعطيتــك خفوقــــــــي


للشاعر الأمير خالد الفيصل

قصيده جميله لشاعر مميز
تقبل مروري المتواضع ولك مني اصدق
احترااااااااااماتي

اا

ذائقة شعرية مترفة بالجمال
اسعدني تواجدي بين قطرات احرفك الشعرية
اختيار جميل وذوق مترف
لا عدمنا جديدك القادم ولا حرمنا من جزل ابياتك
ودي واحترمي

إنتقآء فآق الجمال
ربي يسعدك ليث
بنتظار جديدك دووم

كل الشكر لكم
لهذا المرور الجميل الله يعطيكم العافيه
خالص مودتى