منتديات حساس - تذكر يوم اقولك جسد يحتوي روحين

تذكر يوم أقولك جسد يحتوي روحين / ..
.. وأوعدك ما أخليك وتوعد ما تخليني ..
**
.. أذكر يومها أشوف بالدنيا بس اثنين ..!
.. قلبي اللي يحبك و قلبك اللي يحويني ..
**
.. بعدها بأيام شفت إيدينك تحتضن ايدين ..
.. وانصدمت يوم شفت إنها غير إيديني ..
**
.. سكت لجل خاطرك و قلت مرحبا بالزين ..
.. مرحبا باللي القلب لجله حيل كاويني ..
**
.. (((( مر يوم و اسبوع و شهر وبعدها شهرين )))) ..
.. وهو لازال ما يدري بأني شفته بعيني ..
**
.. أخاف إني أقوله له خاين و ينجرح بعدين ..
.. و أخاف أسكت و بسكوتي صمتي حيل يشقيني ..
**
.. واجهته و أنا أبكي والعين تحتضن العين ..
.. سألته : ليه تنساني؟ ولا ماكنت تغليني؟؟
**
.. سكت ولف عني و خبى وجهه بالإيدين ..
.. إللي كانت تحضني و غيرها ما تدفيني ..
**
.. سحبت وجهه و مسحت الدمع على الخدين ..
.. وقلت له والله أحبك ولو إنك تخليني .. !
**
.. سكت فتره وقال لي : لازلتي تحبين ؟؟
.. بعد اللي تشوفينه لا زلتي تحبيني ؟؟
**
.. إبتسمت و قلت أجل ما عرفت للحين ..
.. إني أحبك حيل واللي يرضيك يرضيني ..
**
.. سكت فتره وأنا أعاود فرحه بقت لسنين ..
.. وتركته و تركت حبه اللي بقى فيني ..
**
.. وصارت الدمعه إذا هلت أقول آهلين ..
.. والبسمه هجرتني ونست دربها فيني ..
**
.. بعدها بأيام سمعت خبر والله شين ..
.. سمعت إنه مااات و هو يطلب يلاقيني ..
**
.. ويوم إني رحت .. وصيته لي بورقتين ..
.. الأولى بها اسمي كتب بدمه يغليني ..
**
.. والثانيه يقول فيها : أبي أوضحلك شيئين ..
الأول أحبك حيل وماسكن غيرك شراييني ..
**
.. والثاني أمانه لا جيتي لأهلي تعزين ..
.. لا تنزل دموعك لي طلبتك لا تبكيني ..
**
.. كل اللي أبي إنك بالخير لي تدعين ..
.. وإنك بالشهر مره بقبري تزوريني ..
**
.. واللي أبيك تعرفيه ومهم إنك تعرفين ..
.. إللي شفتيها معي كانت بموتي تبشرني ..
**
.. أنا اللي خليتك من كيفي عني تبعدين ..
.. لجل ما ينجرح قلبك بلحظة موت تحويني ..
**
تكفين لا تظنين إني خنتك يا الغلا تكفين ..
.. وإذا لازلتي تحبيني دايم بالخير ذكريني ..
**
.. سكت وقلت : ياليتني ظليت معك يا زين ..
.. وشفت الموت ياخذك مني ولا كذا تخليني ..
**
.. تظنون غني نسيت أو الدمع جف بالعين ؟!
.. لا والله إلــين اليوم وهو معي يخاويني ..
**
.. لو تدور الدنيا ولو تمر بعدها سنين
.. ما نسيته لو أشوف أحفااادي حواليني ..

****************
وســـــلآمتكم