اتمنى لكـم التوفيق والنجاح الدائم (طرق النجاح) للجميع
http://hh7.net/June1/hh7.net_13071255811.jpg ليكن شعارنا أيام الاختبارات " نحن قوم لا تهزنا الجبال العواتي فكيف بورقة كتب عليها أجب السؤال الآتي " كل خطوة تقربك لغايتك غامر في المشي إليها ولا تصاب بـ الشلل العقلي مادمت من السائرين على الحق في طريق النجاح .. وتغنّى أثناء سيرك بــ: ومن يتهيب صعود الجبال يعش أبد الدهـر بين الحفـر السلام عليكم ورحمة الله وبركاته ياهلا والله وغلا يامساء/صباح ، الإختبارات شخباركم ؟ عساكم تجهزتوا للأختبارات ؟ كثير مننا يبي يحفز نفسه على المذاكرة :s38: وكلنا نبي ناخذ درجات كاملة وكلنا نبي ننجح اليوم حبيت اساعدكم على المذاكرة :s38: بإذن الله تلقون نتايجها سريعه :s38: بس يبي لكم تتبعون هالنقاط الي بقولها لكم يالله نبدأ مع بعض نحديد مستوى المذاكره[ يعني نقول بنذاكر من الصفحة الأولى إلى 100] . بعد مانحدد المستوى الي نذاكرة يجينا نحدد هدفنا من المذاكرة ، [مثلاً هدفي : اخذ درجه كامله ، ارفع راس اهلي ، الأجر والثواب ] وهكذا . بعد تحديد الاهداف نكتب الأهداف، [فيه دراسه تقول انهم سووا دراسه على عدد من الناس الي يقولون بنسوي بدون لايكتبون وصارت نسبة انجازاتهم الي انجزوها 30% وسووها على ناس يكتبون الي يبون يسوونه وصارت نسبة الإنجاز 90% بالمية ] :s38: خلونا تكتبها بخط عريض كبييييير بورقه او بأي مكان اهم شي نشوفه كل شوي . بعد مانكتب اهدافنا نتخيل تحقيق الآهداف ، [مثل نقول : انا اختبرت وحليت كل شي واخذت الدرجه الكامله ] ، لأن الدماغ سبحان الله يستوعب اكثر الاشياء من التخيل ويحولها لواقع .:s38: بعد مانتخيل :879: نبعد أي تفكير سلبي ، [لاتقول انا مااعرف انا مااقدر انا لو ايش مااراح افهم هالمسأله وانا وانا ]<<كل هذي الاشيااء نشيلها من تفكيرنا ، مانبي اي شي سلبي ، خلونا نقول حنا نقدر وحنا نعرف وراح نفهم بإذن الله . بعدها الثقه بالله ، [نقول: ربي معي حتى لو ماحليت كل شي مكتوب وكل شي خيره لي اكييييييييييييد ] وثقوا ثقه تامه انه دامك مع ربي بيصير لك كل خير .:s38: نصفي أذهاننا ، [يعني لاتفكر بأي شي وقت المذاكره خل راسك كله مع المذاكرة ، كل مافكرت شل هالتفكير وركز مع المذاكرة ]لأنك اذا ما فكرت بشي ، وركزت ترا بسرعه بتقضي وبسرعه تستوعب الي انت تقراه . بعدها نفكر بالنتائج والثمار الي ناتجه من الي قاعدين نذاكره ، [ بأستفيد منه عقب ؟ بينفعني ؟ بيعلمني الشعر مثلا؟بيعلمني المفردات ؟ ] فكر بكل الثمرات الي حاصله من مذاكرتك للمادة . بعد مانفكر بالنتائج والثمار نركز ، [ خل كل تركيزك يسار الكتاب يعني نظرك يسار ومكان الكتاب يسار ] لأن سبحان الله الجزء الأيسر في المخ أدق من الأيمن ، ( الأيسر يستوعب الجزئيات والأيمن يستوعب الكليّات ) .:s38: بعدها التصوير ، [ يعني نقرأ الكتاب وكأننا قاعدين نصور الحروف في أذهاننا ] . بعد مانصور النفس العميق ، [ دخل كميه من الأكسجين ، ويكون النفس بشفط بطنك ] لأن الدماغ سبحان الله يتقوى مع الأكسجين . بعدها التكرار ، [ نكرر الكلام الينقراه ثلاث مرات ] . وبعد مانكرر نربط ، [ يعني انك مثلاً تربط بين هالجمله والثانية ، مثلا هذي تنتهي بحرف الراء والي بعدها تبدأ بحرف الراء وكذا ، او مثلا ترسم ، يعني زي اذكر مره عندنا حفظ علماء كثيره مره وحفظها يبي له شوي ، المذهب كان الحنفيه ويندرج تحته كم اسم جيت ورسمت حنفيه [صنبور] وكتبت اسامي الكتب حقتهم وكذا وحفظظظته بسرعه ، وهالطريه استخدموها كثير لأنها اسرع طريقة لحفظ الأسامي والأرقام .:s38:] وعقب مانقضي مذاكرة التثبيت والمراجعة ، [ بعد المذاكرة خذ لك فتره وارجع راجع المنهج ، لأن مايثبّت المذاكره الا المراجعه ] .:879: واهم نقطه :s38: التوكل على الله ، [ لاتقول اني ذاكرت ولانيب حال وغيرها ، توكل على الله في كل كبيره وصغيره وانه ماراح يخذلك ولا راح يضيع تعبك واذا صار لك شي فهو مقدّر لك وخيره اختارها لك الله]:s38: . الدعاء ، [صل لك ركعتين واختمها بوتر وادع ربك فيها انه يثبت حفظك ويسهل عليك الأختبار وتحل زين وادع للمسلمين معك ، عن أبي الدرداء رضي الله عنه أنه سمع رسول الله صلى الله عليه وسلم يقول: "ما من عبد مسلم يدعو لأخيه بظهر الغيب إلا قال الملك: ولك بمثل" أخرجه مسلم .] الأستغفار ، [ كثر من الاستغفار وانت بالطريق للأختبار وبكل وقت استغفر وبإذن الله تلقاها مفتوحه بوجهك ] وأسألوا مجرب الاستغفار شي عجيب وربي عجيب عجيب ، عمري ماشفت زي مفعوله وأثره على حياتي . :s38::s38::s38: انتهينا :s38: ان شاءالله تكونون استفدتوا الله يوفقنا جميعاً يارب ناخذ معدلات ترفع الراس ويارب مانحمل ولا ماده دعواتكم:s38: :879: هناك شخص واحد في هذا العالم يمكن أن يضع حداً لطموحاتك ونموك في هذا العالم وهو : " أنت " * حياتك لا تتغير عندما يتغير مديرك أو يتغير أصدقاؤك أو زوجتك أو شركتك أو مكان عملك أو حالتك المادية ! * حياتك تتغير عندما تتغير أنت وتقف عند حدود وضعتها أنت لنفسك ! اتمنى لكـم التوفيق والنجاح الدائم |
يعطيك ألف عآفييه أخوووي أختيار موفق بالطرح
ورآئع ومفيد لكل طآلب وطآلبه أتمنى للجميع التوفيق والنجآح سسلمت يمينك أحسساس ع جمآل روآئعك .. |
إحســآس مـلـك
بآرك الله فيك وسدد بالدرب خطآك وأسأل الله لك وللجميع التوفيق والنجآح ., |
منورين ياغالين
|
يعطيك العافية ودام تألقك لك ودي |
مشكورة على الحضور الجميل
|
عواافي لك ي قميل ع الطرح
|
يعطيك العافيه اخوي ع الطرح
|
الف الف شكر لك من شارك بالموضوع
|
الساعة الآن 11:55 PM |
»:: تطويرالكثيري نت :: إستضافة :: تصميم :: دعم فني ::»
Powered by vBulletin® Version 3.8.7