![]() |
الشارد مع طبق الخس
أحبتي في الله
السلام عليكم ورحمة الله وبركاته الله يسعد مساكم بالخير والمسرات والله يجعل أيامكم والليالي كلها فرح ومسرات من رب كريم وقادر على كل شي وش عند الشارد اليوم ؟؟ (الشارد مع طبق من الخس) يامحبي الشارد اسمعوا ماذا جرى معي ولاتضحكون علي لأني احب الصراحه يوم قريب وليس بعيد وكان يوم الثلاثاء وكان لأحد البنات موعد في فرع الأحوال المدنيه بالأندلس مول بجده ركبنا المصعد قالوا لي اللي معي ريح في هذا الكوفي حتى نخلص ونجيك وبالفعل دخلت هذا الكوفي الذي يتربع في أحد زوايا المول ويفتح على واجهتين شرقيه وشماليه جلست على أحد الكراسي في ركن عليه سياج من الخشب البني اللون واضنه مقنو تطور القحم وأصبح يعرف انواع الخشب والوانه المهم جلست ولم يكن في بالي أي شي مع أني جيعان والوقت وقت فطور لكن توقعت أن الأمر لن يستغرق أكثر من نصف ساعه ونخرج من المول وكانت الساعه العاشره صباحاً انتضرت حتى العاشره والنصف اتصلت على بنياتي وقلن بدري قدامنا سرى كثير قلت يعني أطلب فطور وافطر قلن بالعافيه قمت للكاشير والعامل عليه من الجنسيه الأسيويه قلت اريد فطور كلماته مكسره قال شوف الثلاجه وش اللي تريده طبعاً بلغه لم أفهمها ولكن البركه في شاب وسيم كان يقف بالقرب مني وتولى أمر الترجمه لأني بليد وثقافتي تختلف عن ثقافته قال لي الشاب وش تريد ياعم قلت فيه طبق سلطه أعجبني واريد قطعة كيك أو قاتوه ومشروب ساخن تكلم مع عامل الكاشير وجاب لي الطلبات قلت كم الحساب ياباشه قام يطقطق على ماكينة الحساب أو مايسمى كاشير وقال اريد منك (53) ريال صعقت عند سماع ذلك قلت له ياشيخ اتق الله ورقة خس وقطعة قاتوه بهذا المبلغ مع أن كرتون الخس بعشرين ريال ويكفي شهر أكل كل يوم قال هذا سعر شركه والقهوة ياساتر يقول قهوة مفلتره ولايوجد مثلها في كل جده استحيت من المترجم ذاك الشاب الذي كان بأمكانه أن يحاسب عني قلت أفا الدراهم في الجيب والشيطان ملعون لكن معقول هذي الأسعار ماعليها رقيب ولا حسيب قال وش تعمل ياعمي بطنك يستاهل ويخسى الجوع وهي مره واحده ولن تعود لهذا المكان قلت صدقت والله حاسبت ويدي ترتجف لكبر المبلغ وقلة الفطور المهم رجعت على كرسيي وتناولت الشوكه وبدأت بالخس لأني نباتي ههههه ورجعت على القهوة المفلتره والحمد لله كأني أشرب قطران تركتها ولم استمر في أحتساءها وقطعة القاتوه التي فيها حلا زياده أخذت منها براس الشوكه وتركتها وراحت فلوسي كلها في خس والله حاله يالربع أن اشتكيت قالوا مالك وماله وليش تتعلق نفسك في خس في الأندلس مول ما تدور مكان يبيعون فيه بالكيلو وتاكل الين تشبع مليت من الجلسه الساعه الثانية عشر جو البنات وأخوهم وخرجنا من المول قالو أشفيك متكدر الخاطر قلت لهم على قصة الخس ضحكوا علي وقالوا ماتعرف أنك في الأندلس مول ليش ما دخلت هايبر بنده واشتريت لك خس وخيار وطماطم يمكن بعشره ريالات وكل حتى تشبع وكاسه شاهي أخضر بلا سكر ويادار مادخلك شر المهم هذا ماحصل خرجنا من الباب نريد السياره كان فيه مزلقان للعربات ناعم ماشفته زلقت وطحت وانكسرت نظارتي وحالتي حاله لا سلمت الخساره ولا سلمت الطيحه ولا شبعت من الفطور الورقي وش رايكم في علوم الشارد وشتقولون لمن يرتاد هذه الأماكن ياكل ويشرب ولا يصبر اللين يرجع بيته ولا في أقرب مكان من المول والله القحم وسوالفه تضحك كان عند جدتي نعجه وكانت تسميها خميسه وتاكل خس كثير مدري أضن أنها عدوى من نعجة جدتي دمتم في خير وعافيه والله لايحدنا ولا يحدكم على من لايخاف الله ولايرحمنا تمنيت أن القى الكحيله في المول وتحاسب عني ولا الدلوعه مع أنها بخيله لكن يمكن تاخذها بي الشفقه ههههههه خرابيط الشارد |
ههههههههههههه مو مشكله يالشارد اعتبر تجربة الخس تغيير روتين مع انها غيرت مزاجك وكدرته هههههههههههه بس مأيدتك والله لو خليت الكحيله تحاسب عنك راعية فزعات والدلوعه مو بخيله بس يمكن مطفره هههههههههه يعطيك العافيه ولا تحرمنا من مشاركاتك دمت بخير |
الفجر البعيد
هلا وغلا ومليون مرحبا بالصباح الذي نورت فيه الفجر البعيد قصة الشارد ارحبي وحياك الله سرني حضورك وتعليقك اما بشان الفزعه اقولك هربت الكحيله يوم شافتني والدلوعه تقول مالي وللقحم ان طاح وأن قام من اللي قله يدخل الأندلس ويطلب خس وتقولي ماهي بخيله الا بخيله ويمكن مطفره تسلمي على جمال التعليق والحضور |
والله ياحبيب اخوه الحال من المحال:patch_joi:
بس تدري ان الخس له فوايد عظيمه:877: هههههههه انا لو منك اطلب خس وجرحير طالما ان ملاعين الصلايب ابو هنود يلعبون علينا ويقولون ( هادا كوولوا قالي ) قلقلوا راسهم استغلو الزيادات والقيمه المضافه ورفعوا الاسعار من حقك تزعل والله شي يرفع الكليسترول في الدماغ:gy0000: قصتك رهيبه عجيبه مميزه لطيفه خفيفه واحلى قاتوه لك :293: وانا باكل معك بسكوت:281: تقبل مروري ولك من اخوك كل احترااااام |
صقر الجزيره
حبيب القحم الشارد اضن مايقدر يقول لا طالما اعجبته القصه وطالما رضي أن يشاركني في البسكوت والقاتوه واضنه نباتي مثلي لكونه ينصحني بالخس والجرجير اقول حياك الله انت جيب الجرجير معك وانا باجيب الخس والبسكوت اللي تحبه ياعيني عليك انت ومرورك الجميل انا في انتضارك لا تطول انا سمعت أن الجرجير فيه فوائد كثيره هل صدقوا مدري لك الشكر وتقبل تحيات اخوك الشارد |
هههههههههههه موقف لاتحسد عليه ياخوي:23:
حرام عليك والله اختك مو بخيله بس كمان انت تطلب خس طيب اطلب سلطه ايطاليه او لبنانيه اقلها بتكون مشكله بدل الخس اللي طلبته لكن ابشر المرات الجايه انا احاسب ارسل الفاتوره بس لاتكون اكثر من 100:367: تراني استلم مكافئه من الجامعه مو راتب :patch_swit: ربي يسعدك استمتعنا بالموقف اللي صارلك |
الدلوعه
هلا بالطالبه وصاحبة المكأفئه طيب وماله جميله المائة ريال لأنها تبارك لك في المكافأة اذا تطوعتي بدفع فاتورة عن الشارد متى امر المول وادور على السلطات اللي قلتي عليها وفين عنوان بريدك علشان الفاتوره انتي كريمه وانا استاهل الفجر تقول انك بخيله والأن اتضح لي غير ذلك لك الشكر على روعة المرور وجمال الحرف لاتنسين وعدك هههههه |
اقتباس:
هههههههههههههههه افااا بس قلبت الكلام علي يلا عوافي واجمل تحيه مني للشارد وصاحبتنا البخيله الدلوعه |
تسلمي يالفجر
تعقيب راقي من الراقيه تسلمي أنا ماقلبت شي أنتي اللي قلتي عنها بخيله وهاهي استعدت بصحنين سلطه للشارد فقولي له شكراً |
يعطيك العافيه :t133: |
الساعة الآن 11:37 PM |
»:: تطويرالكثيري نت :: إستضافة :: تصميم :: دعم فني ::»
Powered by vBulletin® Version 3.8.7