منتديات حساس - المهرة اللي فارقة بالزين

المهره اللي فارقه بالزين من بد المهار
جموح طبع وما يروضهاا سوى خيالها

منها عيون الخيل لامرت من الهيبه اتغار
ثقيلة الممشى وتجمح لو تشوف اضلالها

من الحلا فيها كبر، ومن الدلع فيها شقار...
ومن الهدو فيها سحى ، ووان روحت في فالها

تلحف شعرها والهواء لا مرها ثم استدار
مثل الفتون الي رقصت قدام ابيها وخالها

أصيلةٍ متسلسله من اصل ما فيها انحدار
معربه تغري النسب واهل الحسب بأفضالها

في ناصيتها كان الشمس ومباديها انكسار
وكن صوت حافرها مطر يمطر وغطى جالها

المهرة جمال من مرابط العز واسماء كبار
الي تثنت كنّها بين الخيول لحالها

واليا مشت يطري عليك الهوش والحروب التتار
واليا وقفت تحفى تفهي الناس وهي إقبالها

واليا عدد م تحب غير مركز الاول وكسب الانتصـار
واليا هدت كنّى سحب فوق الثراء تبرا لها

لو جاء أعظم سايسين الخيل من شتى الديار
م جابو اقصاها ولا يدرون وش يحلالها

يحلالها عزفي وقلبي والقصايد يوم صار
اعنانها في وسط كفي والغلا خيالها

غرى ترف ومحجله والوجهه مطلآع النهار
من راسها لقدامها تفرق بكل اقصالها

كن عينها عين النداوي لطلع الصيده وطار
عقبها لطمّها في الهواء لين اختلف موالها

وكن عنقها بين القصر والطول وقف واستخار
وكن القوايم كل وحده رايحه في حالها

وكن ردفها يوم التحق في القصر وقف واستدار
وكن خصرها سرت ذهب والي ربطها شالها

من أمها تارث حلا تارث خجل تارث عفار
في الغنج ممساها وفي حضن ترف مغيالها

لا قلت وين الصبح شالت من على الوجه الخمار
ولا قلت وين الليل تفهق من شعرها شالها

ولا قلت وين الموت قالت في شفافه ام حمار
ولا قلت وين الميزه تأشر على حبت خالها

وصوفها من الكل وصف من ملامحها تغار
عيونها ، سموهاآ ، غرورها ، دلالها

لا دنقت دنق لها غيم السماء قدر ووقار
محد حسد فيها وهي تدنق سوى سلسالها

حبيبتي ماهي بحيالله لكنها نور دار
محدٍ درا من وين مربطها ولا منزالها

لي الشرف في حبها لو حبها أصعب خيار
و لها الشرف أني أنا بد العرب حلالها

تقبلوا ودي