|
مقتطفات من كتابات شاعر
ألـسَلآمُ عليِكُـم وُرحمةة آللهْ وُبـركأتُـةة
أسَـع‘ـــدْ آللهْ أوُقـأتكُـمْ بِـكُلْ خيرْ ../ . . . . . . مُقتطَـفأتْ مِنْ الأشَـعآرْ شَــأرِكَـوُنــأ بِـمآ يِعـجبُكُـمْ مِنْ أشَـعآرِأوُ بيِتْ رآقْ لكُـمْ بِـ إسَـمِ الْشَاآعر فقطْ ! . . . . . . . . تكـون ألقصآئد أو ألمـقتطـفات مـن كِـتآبآت الشاعر سوف نسلط الضوء كل أسبوع لشاعر اذا لم تكن هناك مخالفات سوف يستمر الموضوع . . . . . . وراحح نبدأ بشاعر احساسهه جميل ! شاعر احسد المرأهه التي يكتب عنهها ! # مُقتطَـفأتْ مِنْ أشَـعآرْ الأمـيرْ ألشَـآعر/ بدرْ بنْ عبدْ ألمحسنَ http://www.ba9bnat.com/vb/images/smilies/ta7a_411.gifhttp://www.ba9bnat.com/vb/images/smilies/ta7a_572.gif إنـطَلِـقوُوُ بِــ روُآئِـعةة ! أهلاً بـ الحُروفِ , و أهلاً بـ الصّاغينَ فَقَط..❤ |
http://www.mzaeen.net/upfiles/zoz68597.jpg
إي بالله أخطو والخطا اللي جابهم عين الصواب,,,,,,,,,,, ,,,,,,,,,,, مبطي وأنا أشوف الطمع يكشف زادهم وأستره مايملي عيون الحسود بهالزمن غير التراب,,,,,,,,,, ,,,,,,,,,,,,ومن لايتوب من الخطا تحرم عليه المعذرة اللي من أولها خراب أكيد تاليها خراب,,,,,,,,,, ,,,,,,,,,,والبندق اللي ماتثور بهدفها تذعره ودك ليا من جاتك الغلطة من الناس القراب,,,,,,,,,, ,,,,,,,,,,الصاحب اللي ماكسبت محبته ماتخسره مشكلتي إني ماعرفت أحسب لصدتهم حساب,,,,,,,,,, ,,,,,,,,,,قلطتهم صدري على ذكرى قصيد وحنجرة صوتٍ يصول منبره وخطاب مامثله خطاب,,,,,,,,,, ,,,,,,,,,,والطيبة اللي زعزعت صوت الخطيب ومنبره مافي دمعٍ صوبوه أحبابي بوجهي وخاب,,,,,,,,,, ,,,,,,,,,,ولا زرق حزني على غالي ولا فج أنحره كل الزهاب اللي معي ذكرى من أصحاب الزهاب,,,,,,,,,, ,,,,,,,,,,واللي بقا لي من عذاب أشرس طريقي وأخطره لأني تجنبت الغرق, عديت من فوق السحاب,,,,,,,,,, ,,,,,,,,,,لأن أكثر أصحابي ورق ماشفت للطيب ثمره والله ماحطيت بين الحقد والخوة حجاب,,,,,,,,,, ,,,,,,,,,,حتى غدو ربعي يحدوني على الضيق أشكره البارحة ثارت علي أرقاب و آوتني أرقاب,,,,,,,,,, ,,,,,,,,,,البارحة وياثقل دم البارح ويامحقره أثر المصايب ماتجيك إلا من الناس القراب,,,,,,,,,, ,,,,,,,,,,وبهالزمن حتى الخوي اللي تثق فيه إحذره هٌب ياوجه الحسد وشلون جمعهم وغاب,,,,,,,,,, ,,,,,,,,,,كيف السنين اللي عطتني بعثرتهم بعثره لابارك الله في رقيقٍ تزعله كلمة عتاب,,,,,,,,,, ,,,,,,,,,,ولاجمع الله الرجال اللي تفرقهم مره الصاحب اللي مايجي من صحبته غير العذاب,,,,,,,,,, ,,,,,,,,,,نذرٍ علي إن ماهجرني ولا أنا اللي بهجره من يفتح لفرقاي باب أفك له عشرين باب,,,,,,,,,, ,,,,,,,,,,وإذا خويي مايقدر خوتي ما أقٌدره عودت نفسي كل ماشددت لليمه ركاب,,,,,,,,,, ,,,,,,,,,,ماصدد وجهي عن طموح إلا لياجبت خبره إن روٌحو فأنا بريء منهم ليوم الحساب,,,,,,,,,, وإن جرٌحو قولو لهم ماحركو فيٌ شعره شفهم لهم حول السنة ولا خذو مني جواب,,,,,,,,,, ,,,,,,,,,,أحسن دوا للي يستفزك تحقره ماكنت أحاتيهم صغير, عاد أحاتيهم شباب,,,,,,,,,, ,,,,,,,,,,الصاحب اللي مأذخره لليوم الأسود ما أذخره شفني جمٌعت أوراقهم بكتاب وأغلقت الكتاب,,,,,,,,,, ,,,,,,,,,,ياوقت لم اللي تلمه وأنثر اللي تنثره اللي يخاف من الظما يترك لنا طرد السراب,,,,,,,,,, ,,,,,,,,,,واللي ماهو بقد الظلام و وحشته لايسهره عقب إكتئاب البارحة ماعاد أنا حمل إكتئاب,,,,,,,,,, ,,,,,,,,,,الطيب جرجرني وأنا ماني بناقص جرجره أنا تجرعت الظما لين إحترق وجهي وذاب,,,,,,,,,, ,,,,,,,,,,أنا كسرت بخاطري قبل الصداقة تكسره أنا خسرت اللي غيابه غير عن كل الغياب,,,,,,,,,, ,,,,,,,,,,أنا غفرت لعالم ماتستحق المغفرة أنا أكثر إنسان تعلم من كثر ما أخطا وصاب,,,,,,,,,, ,,,,,,,,,,أنا آخر لسان يتكلم في زمان الثرثرة أنا القصيد اللي فزع من دفتره مليون ناب,,,,,,,,,, ,,,,,,,,,,وأنا الوحيد اللي جمع مليون ناب بدفتره جفني وجرٌحه السهر وحيلي هدته الصعاب,,,,,,,,,, ,,,,,,,,,,دمعي هدر, ضحكي ندر, عمري وضيعت أكثره شيٌبت بعقول العرب, هيبت روسٍ ماتهاب,,,,,,,,,, ,,,,,,,,,,جمخرة ناسٍ عمرهم مايعرفون الجمهرة ماصرت ذيب إلا لأن اللي تحدوني ذياب,,,,,,,,,, ,,,,,,,,,,ماكنت أغيب إلا لأن العفو عند المقدرة ترا حلاتك لاحملت لصاحبك كلمة عتاب,,,,,,,,,, ,,,,,,,,,,إن مانطقت بها بوجهه, ماتذمه بظهره بهالزمن مايملي عيون الحسود إلا التراب,,,,,,,,,, ,,,,,,,,,,ولا الحظيظ الطلقة اللي ما تصيبه تذعره ودك اليامن جاتك الغلطة من الناس القراب,,,,,,,, ,,,,,,,,,,الصاحب اللي ماكسبت محبته ماتخسره |
http://www9.0zz0.com/2013/06/08/22/943574908.jpg
لاجيت أنا بسامحك .. تبكي الجرااح ماودها .. مشتاااااااااااااااق .. ودي أصافحك .. وعيت يدي لامدها .. اه يالجراح ،، راح اللي راح .. وراحتي مين يارتى بيردها ..؟؟ ياحب .. ياذكرى واسم .. مدري أنا ابكي عليك من العذاب ..ولا ابتسم صدقني في ياسي .. نفسي تبي نفسي تبيك .. لايادفا شمسي تبيك .. ليه خنتني ..؟؟ الله عليك لاتحاكي عيوني يمطر سحاب الملح .. ولا تلمس شجوني ينبت في قلبي ملح .. ناظرني ياخلي .. مجروح أنا كلي .. وشلون أبرضى الصلح ..؟؟؟ فصل الخريف حبي حزن وورق أصفر ودعني ياقلبي .. وخل العذاب أقصر .. |
http://im42.gulfup.com/8htaH.png صدق أو لا تصدق كل ما تباعدت المسافة بين الرغيف والجوع تلقى الفرح أصدق صدق أو لا تصدق لامن غدت كل المشاكل جوع الصغار وسقفٍ يداريهم قبل يصحى النهار تلقى الشعور أعمق صدق أو لا تصدق كل ما انقفل درب انفتحت أبواب صدق أو لا تصدق لو فيه احد طيب .. للطيبة أسباب صدق أو لا تصدق قليل من يعفي ويسامح .. كثير وده ينتقم بس ينتظرله وقت سانح صدق أو لا تصدق القناعة كنز يفنى ولو كل من ياخذ قنع .. وكل من ياكل شبع كان الفرح غطى شوارعنا صدق أو لا تصدق كل النهايات البداية .. وأحلى البدايات النهاية وكلنا رغم القساوة الظاهرة .. نبكي قدام المراية صدق أو لا تصدق به مطول لحيته .. والثوب يلمس ركبته وما قرا في الشهر آية صدق .. ان الشعر صدقه .. اعذبه ودي احكيلك حكاية وقبلها ابغى لسؤالي اجوبة المال هذا هو وسيلة والا غاية ؟! لو ماهو غاية .. ليه الحروب ؟ .. ليه السلام اللي تمناه الشعوب ؟ ليه الحسد يملى القلوب ؟ وليه الفقير المعدم الكادح .. بهجته تملى الملاح لامن لقى ذاك الثري يعطي هذيك المطرية مليون وهذا الثري لامن سرى من حفلته .. وقفت سيارته عند الاشارة وجاه شايب يطلبه .. الهم عاثي في وقاره دق باصابع متعبه .. على الشباك قال : انا ياسدي مديون .. وانت الكريم يحكون عنك في الجرايد .. وتقال في جودك قصائد ويقال انك للأرامل واليتامى عون ما ابغى منك الا حاجة .. لبس الشتا لجل العيال الله يسددلك خطاك .. اعطني مما عطاك واعتدل راعي الملايين الكثير في جلسته وعقد حجاجه ثم قال : ألا ما اثقلك واغباك .. ليه يا اخي ما تشتغل انت كسول .. ومستغل وطلّع من المحفظة فكّه .. رماها وقفل الشباك ابغى لسؤالي اجوبة ... ليه البر والتقوى .. مليان في جرايدنا ؟! وليه هموم هالشارع ؟! .. بعيدة عن قصايدنا ؟! ليه الفساد .. ليه الكساد ؟! وليه الحروب ؟! .. وليه الحسد مالي القلوب ؟! وشهو الجواب ؟! اتمنى انه مايكون المال هذا هو وسيلة ماهو غاية هذي الكلمة النبيلة .. اخترعها أغنيا لجل مسكينٍ شقى .. يرضى بقليلة وصدق انت او لا تصدق ماني الشخص المثالي .. كل مافي الامر اني شاعرٍ ماهو يبالي كان صار اللي اقوله علقمٍ او صار حالي كل مافي الأمر اني استريح .. لا مشابي مركبي عكس اتجاه الريح وما ابرّي من الخطى نفسي .. واللي اجاهربه مثل همسي صدق اني ماني الشخص المثالي كل مافي الأمر اني اجمع احساس الحواري وسط صدري وانقل الواقع لشعري كل مافي الامر اني شاعرٍ مطرود من جنة خيالي صدق اني ما قصدت اني اكون صوت للي مايبون صدق اني ماني الشخص المثالي والا تدري لا تصدق |
http://www4.0zz0.com/2013/06/15/23/982688158.png
لـــــشـــاعــــرهــــا... [ ســـــالم ســــيار ] الليل هم وحزمة جروح وأوراق .............وأنا اتناثر بـ آخر الليل وأبقى ما غير اولّع كل تناهيد الأشواق .............واللي بقى من الشوق دمعات حرقى ما أقول ضاق الصدر لكن إذا ضاق .............تنكسر ظلوعي على الروح واشقى وحدي وعيوني تمتلي وجيه وفراق .............كان البكا فرقى ورى دموع فرقى يا طيب! تاخذني على الناس بعناق .............والحين أنا وياك والحزن نبقى معقول ما مرّوا على بحر الاحداق .............ولا شافوا دموعي من الشوق غرقى! هذا انا من الليل واقف ومشتاق .............وهذي كفوفي من الوله دوم عرقى من ليل واشراقٍ الى ليل واشراق .............وارجع..اعيد حكاية الليل وارقى وارقى انتظر بالليل نجمي اذا فاق .............واصاحبه حتى السما تصير زرقا وابقى وحيد ولا معي غير الأوراق .............اكتب جروحي وسط الأوراق وابقى ..................................وابقى |
http://im36.gulfup.com/k9XGE.jpg ناقد الاشعار ناقد الاشعار لك مني سلام و التحيه للفكر و الاحترام فرحتي لا شفت لك رايٍ جديد او نظرت لبعض شعري باهتمام يا رفيق الحرف في دنيا القصيد عشقتي ويّاك في عذب الكلام أنظم النظره بخفقات القلوب و انت تنثرها دموعٍ و ابتسام القمر و الليل و امواج البحر و الزهر و الغيم و اصوات الحمام و الصقر و الريم و الغوج الاصيل و الصحاري لا زمت فيها الخيام هي هواي اللي أغني له طرب هي من ايام الصبا عندي غرام أكتب الانسان بألوان الحروف في حقيقة علم و غيبة هيام أتصيّد خاطرٍ عند السحر او وميض الفكر في جنح الظلام و امزج شعوري مع حسن القبيل في قصيدٍ مثل ندّاي الغمام ناقدي خذ حرفي و حل الرموز و حلل المعنى بوجد المستهام و إن لقى الهاوي خياله بالقصيد خبّره تراني حققت المرام |
http://www12.0zz0.com/2013/06/21/09/442700840.png
الى متى ياضيقة الخاطر لـ/ شآعرها حمد البريدي إِلَى مَتَى يا " ضَيِّقَهُ الْخَاطِرَ " عَلَى مَجْرى الْوَرِيدِ ......... ماعاد باقِي مِنْ دَمِي قُطُرِهُ مُهِيَ مستوجعه ! انا دَخِيلَكَ يا وَفَا قلبَي تُسَافِرُ بِي بعيييد ......... طَمُوحُكَ " الرُّبَّانَ ".. وجروحك ب قلبَي الامتعه ! وَجْهُ الزَّمَنِ ماعاد يُغْرِي .. وَاِنْقَفَلَ بَابُ الْبَريدِ ......... وَاِنْتَهِ " وَفَاِي " اللي لَوْ أَخدعَ دَنِيَّتِي .. ماأخدعه ! لَا صَارَتْ الدُّنْيا مَصَالِحَ .. والوفا ؟ كَمْ ف الرَّصيدَ ! ......... اِنْوِ السِّفْرَ يَمَّ الأمل وَأَفْرَدَ جَمِيعَ الأشرعه بَسْ البلا لَا صَارَتْ أمواج " التعاسه " مِنْ جَلِيدِ ......... وَإِنَّ صَاحَ جُرْحُكَ مالقيت اللي يَحِنُ وَيُسْمِعُهُ :" مِنْ لَا يُقَدِّرُ خوتي .. ف " أَبِرَكَ سِنِّهُ " فَرَّقَاهُ عِيدَ ......... أَمَا " الرَّفيقَ الْغالِي " إليا غَابَ .. خَذَّ قُلَّبُي مَعَه ! البارحه هَبَتْ هواجيسي ف صَدْرَي مِنْ جَديدِ ......... سَوَالِفُ ٍ تَشْرَهُ عَلَى قُلَّبِي ب حَلِمَ ٍ ضِيَعَهُ لاهنت يا " جُرْحَ الزَّمَنِ " حُقَقَ مرادِكَ مايريد ......... أَهْدَيْتُ لِلْخَافِقِ جروح .. وَهُوَ رَفْعَ لَكَ قُبَعَهُ ! يا وَيْلَ حالِي مِنْ شقى اللوعه ويا قَطْعَ الْوَرِيدِ ......... عَلَى آخر جروح الصداقه .. والطعون الموجعه قُلَّبُي " مُصَفِّي نِيَّتِهُ " لَوْ كُلَّ مِنْ حَوْلَه ضَدِيدَ ......... يَبْقَى ( الْجَبَلَ ) مَهْمَا وطته الرّيحَ ماهي تَزَعْزُعَهُ ! مِنْ طَاحَ مِنْ عَيْنَي ماعاد يَهِمُ يَنْقَصُّ أَوْ يَزِيدُ ......... اللي يُنْزِلُ قِدْرُهُ ب نَفْسُه .. هُوَ اللي يُرَفِّعُهُ ! " رِيحَتْ قُلَّبُي " مِنْ عَنَّا الدّنيا وانا اللي مُسْتَفِيدَ ......... مَادَامَ قُلَّبُي مالقى فِي الْوَقْتِ شِي ٍ يُقْنِعُهُ إلّا رَفيقَ ٍ يُجْبِرُ الْكُسَّرُ .. وَعَلَى الشَّدَهَ عضيد ......... هَذَا مُنًى قُلَّبِي عَلَى الدُّنْيا وَهَذَا مَطْمَعَهُ أَضَحِكُ لَوْ أَنْ الضيقه اللي فِي الْحَنَايَا تَسْتَزِيدُ ......... لِينُ أَقَهْرَ الضيقه وَأُخْلِيهَا تَفَارُقَ ف اِلْسَعْهُ ! لَا خَانَكَ الْوَقْتَ الرِّدِّيِ " وَمَا لِلْحَديدِ إلّا الْحَديدَ " ......... اللي شِرَاكَ أَهَدَّهُ وَفَا .. واللي خذلَ عَهْدِكَ بِعْهُ تَمَشِّي الْمَقَادِيرِ ب هُوى الرَّاضِي وَتُلْعِبُ ب الْعَنِيدَ ......... صُدُقُ اللي قَالَ ان طاعك " الْوَقْتَ الرِّدِّيِ " وَلَا طعه ! الْعُمَرُ ب أيامه قِطَارَ .. وَرَاكِبَ ٍ سَكَّةً حَديدَ ......... وَتَمْرُ لَحْظَاتِهُ مابين المحزنه و الممتعه كُلَّ اِلْحِيَاهُ دُرُوسَ وَالدّنيا عِبْرَ وَالْمُسْتَفِيدَ !! ......... اللي خَذَّا مِنْ ( جَمَلَهُ الدّنيا ) دُرُوسَ ٍ تُنَفِّعُهُ |
http://t1.gstatic.com/images?q=tbn:A...xLA7VdgPCirCY1
شبيه الريح وش باقي من الآلام والتجريح وش باقي من الأحلام وش باقي من الأوهام غير اني .. الاقي في هجيرك فيّ الاقي في ظلامك ضيّ واوقد شمعتي في الريح شبيه الريح اذا تسمح بغيب شوي ابجمع همي الباقي وادفن صبري الذابل في أوراقي و برجع لك اذا باقي بنفسك شي شبيه الريح أنا مقدر أكدر صفوك العاصف شبيه الريح أنا من لي سوى إحساسك الجارف بقايا زيف أشواقي سما أمطار أحداقي شبيه الريح وش باقي ابي أعرف متى تسكن رياحك وابي أعرف غرورك هو متى يطلق سراحك وابي أعرف متى تعصف متى تعطف متى تنزف جراحك وابي أعرف إذا باقي في بحرك موج اكسر فيه مجدافي وابي أعرف إذا باقي في همك هم ماشالته أكتافي وابي أعرف إذا باقي في هالدنيا حزن مامرني واستوطن أطرافي وابي أعرف إذا باقي من المعجز في هالدنيا سوى العنقاء والا الغول والا خلك الوافي بقايا زيف أشواقي سما أمطار أحداقي شبيه الريح وش باقي ؟! سنيني يم وقلبي المركب المتعب وانت الريح مجاديفي عذاب وهم وزادي الوجد والتبريح وصبري صبر بحّارة بغوا في اليم محّارة غشاهم موج كان من الغضب أغضب وكانوا للهلاك أقرب لولا كثروا التسبيح شبيه الريح حبيبي الأصدق الأكذب عجزت اوصل شواطي طبعك الأعذب تعبت أنطر في وسط العاصفة قلب وشعور وعاطفة تعبت أجمع ألم كل الموادع في المواني وأحضن أطيافك تعبت السهد في ليل الشوارع والثواني تنطر انصافك تعبت الظلم واجحافك شبيه الريح أنا ودي أكدر صفوك العاصف شبيه الريح أنا كني نسيت إحساسك الجارف بقايا زيف أشواقي سما أمطار أحداقي شبيه الريح كيف أسألك : وش باقي ؟ وأنا الباقي من إحساسي ذرته الريح |
https://c.top4top.net/p_822niz1g1.jpg
الشاعر: عبدالكريم الجباري بنت الحمايل .. يابنت ياللي ماستر راسك الشال وبزعمك انك من كبار العوايل أنا بقول الحق والحق ينقال اللي تستر هي بنت الحمايل ماهو في كشخه وخاتم وسلسال الستر لعيال الحمايـل دلايــل يابنت لو قلتي لي المهر بريــال والله فلا اعنز عليك السلايــل والله لااخطب اللي على راسها جلال لو كــــان مطلبها ثمانين حايل انا ليا مني خطبت أبغي عيال أبي العيال اللي تشيـل الثقايل وليا خطبت أختار لعيالي الخال والدين عندي هو سيد الفضايل قالت قسم بالله ماشفت رجال مثلك بغى حجر السنين الاوايل قلت الصحيح يصح لو مرت أجيال ركب الكدايش غير ركب الاصايل ماهو بذنبي ماعرفتيلك رجال ذنب الزمن خلا النشاما قلايل ولاني بلا رجعي ولا جيت خيال ولا شايلن سيفي وصايل وجايل إنسان متعلم ومن ناس عقًـال وفتحت عن نهج الحضارات فايل أنا حضري ماني بنازل ورحال لو أن ربعي بين ضلعان حايل وأنام في بيت ومكيف جنرال وأسوق سياره وعندي موبايل ترا البداوه فعل ماهي بالاشكال والسلم مانرضى عليـه البدايـل وتبعت سلم العود وأصبحت وبال ونقيت لي من الذود دق وجلايل الطيب لاأهل الطيب يبقاء ولا زال وأعرف سلوم الطيب والشك زايل ولا شفت انا عقال السناعيس مال غصب علي عقـال راسي يتمايل السالفـه ماهي بتمييلت عقـال السالفـه دمٍ بها العـرق سايل يابنت دام الدم بعروقنـا سال كلٍ على عقله من الفكر شايل لكن لو قلت لي المهر بريال والله فلا أعنز عليك السلايل |
شكرا لك على هذا الطرح كل الشكر
فدوما ما نتذوق الحزين من المواضيع ودائما ما تشدنا قصص الالم والمعاناة علنا منها نستخلص العبر وربما بما نتعلمه نستطيع رسما لدروب الحياة اشكرك من قلبي مع الامنيات لك دوما بالتوفيق والسداد |
| الساعة الآن 01:55 PM |
»:: تطويرالكثيري نت :: إستضافة :: تصميم :: دعم فني ::»
Powered by vBulletin® Version 3.8.7